Коментарите на францускиот претседател Емануел Макрон за можното распоредување на војници на НАТО во Украина го туркаат светот на работ на нуклеарна војна, изјави во вторникот шефот на руската разузнавачка служба (СВР).
Макрон минатата недела рече дека европските земји би можеле да испратат војници во Украина, иако предупреди дека во оваа фаза нема консензус.
САД и клучните европски сојузници оттогаш рекоа дека немаат намера да испраќаат копнени трупи во Украина.
„Ова го покажува високиот степен на неодговорност на денешните европски лидери, во овој случај претседателот на Франција“, ги цитираа руските новински агенции зборовите на директорот на СВР Сергеј Наришкин од интервју за државната телевизија.
Откако беше домаќин на конференција на околу 20 европски земји минатата недела, Макрон призна дека нема консензус за испраќање западни трупи во Украина, но рече дека опцијата не може да се исклучи за да се осигура дека Русија нема да победи.
„Тажно е да се види, да се набљудува и да се разбере дека преговарачката способност на сегашните елити во Европа и Северен Атлантик е на многу ниско ниво“, додаде Наришкин.
Сите информации поврзани со најновите случувања со војната во Украина можете да ги прочитате ТУКА.