Руската армија испрати ново барање до украинските војници кои се наоѓаат во фабриката за челик Азовстал во Мариупол да се предадат денеска до 15 часот за да си ги спасат животите, изјави генерал полковник Михаил Мизинцев.
Јапонија испраќа заштитна опрема од хемиско оружје во Украина
„Русија им гарантира на сите дека ќе им биде спасен животот и дека ќе се почитуваат сите норми од Женевската конвенција за постапување со воените заробеници, како што беше случајот со украинските војници кои претходно се предадоа во Мариупол“, рече Мизинцев, пренесува Бета.
Украинските војници кои го бранеа градот во последните седум недели го игнорираа дводневното предупредување од руската војска дека војниците кои одбиваат да се предадат ќе бидат уништени откако ќе бидат повикани да се предадат со ветување дека ќе им бидат поштедени животите.
Експлозија во близина на училиште во Авганистан, загинаа 25 лица
Фабриката Азовстал, која зафаќа околу 11.000 квадратни километри, е последната територија на украинскиот отпор во Мариупол, стратешко пристаниште на Азовското Море.
Проруските сепаратистички сили во источна Украина претходно соопштија дека делумно започнале операција за напад на фабриката за челик.