Русија ги потресе светските пазари на жито со продолжување на воздушните напади врз Одеса по повлекувањето од договорот за извоз на украинско жито.
Во Њујорк ќе се одржи итна седница на Советот за безбедност на ОН за хуманитарните последици од обновената руска блокада на украинскиот извоз на жито.
Генералниот секретар на ОН Антонио Гутереш остро ги осуди руските напади и предупреди дека уништувањето на цивилната инфраструктура може да претставува кршење на меѓународното хуманитарно право.
Ескалацијата во Црното Море доаѓа откако Киев известува за нов обид на Русија да се врати во офанзивата во североисточна Украина. Има околу 100.000 руски војници и стотици тенкови.
Русија продолжи да ги гранатира украинските градови на југ, Одеса и Миколаев.
Во последните четири дена истрела повеќе од 70 ракети и подигна околу 90 дронови, изјави украинскиот претседател Володимир Зеленски.
Тој додаде дека украинската воздушна одбрана сè уште не може да го заштити целиот воздушен простор на земјата.
Во нападите беа повредени десетици цивили.
Опожарена и оштетена е зградата на кинескиот конзулат.
Русија соопшти дека нападите биле одговор на гранатирањето на мостот на Крим.
Сите информации поврзани со најновите случувања со војната во Украина можете да ги прочитате ТУКА.