Романската влада донесе итен декрет со кој се ревидираат прописите за коцкање, дозволувајќи им на општините да ги ограничат или забранат обложувалниците и слот-машините.
Лиценцираните оператори сега мора да добијат не само национална лиценца, туку и локална лиценца за отворање казина, давајќи им на градоначалниците и локалните совети одлучувачко вето, објавува „Гардијан“.
Службениците проценуваат дека повеќе од 200 локални самоуправи во Романија би можеле да бараат целосна забрана за казина на нивна територија.
Најмалку девет градови објавија планови за воведување целосна забрана за казина, вклучувајќи ја и Слатина, во јужна Романија, чиј градоначалник Марио Де Меко објави дека ќе се ослободи од сите казина штом ќе им истечат постојните лиценци.
„Наједноставното решение беше целосно да се елиминираат овие бизниси од градот. Тие се токсични за општеството“, рече Де Меко.
Градоначалникот на Букурешт, Чипријани Куку, рече дека ќе се консултира со локалниот градски совет пред да одлучи за забрана.
Тој рече дека местата за коцкање би можеле да бидат ограничени на одредени области на Букурешт, како што е Стариот град.