Регистриран прв случај на кракен во Македонија

Сподели со своите пријатели

Институтот за Јавно Здравје (ИЈЗ) утрово соопшти дека кај еден пациент е детектиран новиот подсој на омикрон познат како кракен.

Loading...

– Кај еден примерок, од вкупно 32, е детектирана XBB.1.5 омикрон сублинијата позната како кракен. Пациентот кај кој е детектирана новата сублинија е од Гевгелија, a примерокот е земен на 11.01.2023 година, соопшти ИЗЈ.

ИЗЈ додава дека 32 примерока се позитивни на SARS-CoV-2, а селектираните примероци биле од месеците декември 2022 година и јануари 2023 година.
– Кај 8 примероци е детектирана BA.2 сублинијата на омикрон сојот. Кај останатите 23 SARS-CoV-2 примероци е детектирана ВА.5 сублинијата на омикрон, додава Институтот.

ПРОЧИТАЈТЕ И:  Преговорите со ЕУ ќе ги отстранат сите пречки во областа на трговијата, започна билатералниот состанок за Поглавје 1

Претседателот на Комисијата за заразни болести д-р Александар Петличковски во врска со сојот кракен во четвртокот изјави дека сите податоци што досега ги имаат укажуваат дека повторно се работи за една варијанта која предизвикува благи симптоми и не се очекува неговото ширење драстично да го оптовари здравствениот систем.

Тој тврди дека нема простор за загриженост помеѓу граѓаните.

Според д-р Петличковски, епидемиолошката состојба во земјата е стабилна, а сезоната на инфлуенца започна пред две недели и би требало да трае 7-8 недели.

МИА