Најмалку 95 лица загинаа, а околу 140 се ранети во Иран по две експлозии на четвртата годишнина од смртта на генералот Касем Сулејмани во градот Керман, објавија државните медиуми.
Голем број луѓе се движеле по улицата кон гробот на Сулејмани кога на оддалеченост од неколку стотици метри одекнале две експлозии.
Дваесет и седум повредени се во критична состојба, објавија неколку ирански медиуми. Во неколку болници оперирани се повеќе од сто луѓе. Претходните извештаи говореа дека најмалку 103 биле убиени.
Иранската влада соопшти дека станува збор за терористички напад.
🔞| Graphics | Two explosions shook the city of #Kerman in #Iran causing until now 30 deaths. This happened while the people were attending a Qassem Soleimani commemoration ceremony.
#کرمان pic.twitter.com/6ahgcRRTet
— OSINT-Jihadi Monitor (@JihadiInt) January 3, 2024
Засега никој не презел одговорност. Терористичките напади од ваков размер се исклучително ретки во Иран.
Сулејмани беше командант на елитните ирански сили Кудс и архитект на иранските воени операции на Блискиот исток. САД го убиле со дрон во јануари 2020 година во Ирак.
Врховниот водач ајатолахот Али Хамнеи го нарече Сулејмани „жив маченик“ додека тој сè уште беше жив.
Сулејмани беше поздравен како херој од иранската јавност поради улогата што ја одигра во поразот на џихадистичката група Исламска држава во Ирак и Сирија.
Хамнеи вети жесток одговор на нападот во средата.
„Тие мора да знаат дека овој катастрофален чин ќе резултира со жесток одговор, со Божја помош“, рече тој во изјавата.
*Urgente.Iran .Se habla acerca de 30 muertos por dos explosiones sucedidas el día que se conmemoran 4 años de la eliminación del gral Suleimani a manos de EE.UU.* pic.twitter.com/ZaTGeddZRn
— IsraelVive (@IsraelVive41328) January 3, 2024
Иранскиот претседател Ебрахим Раиси побара од државните служби решителна реакција.
„Нема сомнеж, напаѓачите и сторителите на овој кукавички чин наскоро ќе бидат откриени и казнети“, рече тој.
Нападот го осудија генералниот секретар на ОН Антонио Гутереш и Европската унија. САД изразија сочувство до семејствата на жртвите и нагласија дека на ниту еден начин не биле вклучени во нападот и дека нема причина да се верува дека Израел бил вмешан во нападот.