Рама ги повика граѓаните да не прават намерни штети на објектите

Сподели со своите пријатели

Премиерот на Албанија, Еди Рама, го достави денеска својот прв извештај за прелиминарните штети од земјотресот кој погоди делови од земјата на 26 ноември, вториот прелиминарен извештај ќе биде објавен на 16 декември, а конечниот ќе биде готов во јануари следната година.

Владата денес соопшти дека од 6.000 згради што биле проверени, околу 2.450 биле неупотребливи, 460 требало да се урнат, додека 43 веќе биле урнати.

Loading...

Училиштата започнаа да работат денес во Драч и Тирана, но повеќе од 10.000 деца мораа да бидат префрлени во други училишта, јавуваат албанските медиуми.

Европската унија ѝ помага на Албанија да ги процени штетите и потребите за реконструкција, а Европската комисија веќе испрати 15 милиони евра (16,6 милиони американски долари) за почеток.

Албанија побара меѓународна финансиска помош за реконструкција.

Владата на Албанија издвои 13 милијарди лека (117 милиони американски долари) за реконструкција, додека другите седум милијарди се донирани.

Земјотресот од 6,4 ноември усмрти 51 лице, а повредени повеќе од 3.000 луѓе. Повеќе од 11.000 згради беа оштетени, а околу 13.000 луѓе ги загубија своите домови.

На денешниот состанок на Комисијата за реконструкција, Рама рече дека откако ќе биде објавен конечниот извештај за штети, ќе има пат за донации и обнова на уништените домови.

Според него, ваквите извештаи одземаат време.

„Заради транспарентноста, работиме на посебен извештај во кој се детализирани владата, донациите и корисниците“, рече Рама и додаде дека се подготвува посебен закон за санација, со цел создавање, како што рече, ексклузивна рамка за сите аспекти на реконструкцијата.

Loading...

Поднесувајќи прелиминарен извештај за последиците од земјотресот, Рама им порача на оние, кои како што рече, намерно ги оштетуваат нивните домови да не го сторат тоа, бидејќи државата нема да може да им помогне.

Тој рече дека целата штета е веќе наведена и дека намерната штета нема да биде земена во предвид.

„Им кажувам на сите да не прават такви работи. Програмата е за оние кои ги загубија своите домови и дури не можат да влезат во нивниот дом. Во овој момент, морам да бидам многу јасен дека овие намерно предизвикани штети нема да поминат”, рече Рама.


Leave a Reply

Your email address will not be published. Required fields are marked *