Играчот од средниот ред на Барселона, Иван Ракитиќ, го коментираше денешниот меч во Лигата на шампионите против Челзи на „Стемфорд Бриџ“. Хрватскиот играч од средниот ред е убеден дека неговиот тим ќе ја бара победата при посетата во Англија.
– Ние мора да одиграме дуел, без да размислуваме за реваншот на „Камп Ноу“. Ќе мораме да одиграме на најдобриот начин и да се обидеме да победиме. Излегуваме за победа, а потоа ќе видиме што ќе се случи, изјави Хрватот на редовниот прес пред дуелите од ЛШ.
– Меси е во добра форма. Никогаш не сум го видел да тренира толку многу во салата. Тој дава се од себе за да биде во добра физичка состојба и за да ни помогне. Нам ни е потребен и се надеваме дека ќе игра на секој натпревар на Барселона до крајот на сезоната, рече Ракитиќ.
– Ние излегуваме против најдобриот тим во Англија и ќе гостуваме на многу посебен стадион. Ние сме многу мотивирани. Азар е најважниот играч во тимот на Челзи, но има и други добри натпреварувачи. Ќе мораме да одиграме на најдобар, за да го спречиме, заклучува играчот од средниот ред на Барселона.