Нема да има суштински промени во американската надворешна политика кога станува збор за Русија, изјави рускиот претседател Владимир Путин говорејќи за претстојните претседателски избори во Соединетите Американски Држави.
„Мислам дека нема да има никакви суштински промени во руската насока во надворешната политика на САД, без разлика кој ќе биде избран за претседател“, рече Путин на пленарната седница на Источниот економски форум во Владивосток.
Тој додаде дека слушнал оти поранешниот претседател на САД, Доналд Трамп, рекол дека за неколку дена ќе ги реши итните проблеми, вклучително и украинската криза, и дека „не може да не биде среќен, тоа е добро“, рече Путин.
Сепак, тој исто така „воведе санкции кон Русија додека беше претседател“, потсети Путин.
Тој оцени дека актуелните власти го насочиле американското општество во антируска насока.
„За тоа се работи. Тие го направија тоа и сега ќе биде многу тешко некако да се сврти тој брод во друга насока“, додаде рускиот претседател.
Путин смета дека она што се случува со Доналд Трамп е прогон од политички причини.
„Што се однесува до гонењето на Трамп… за нас, ова што се случува, во денешни услови, според мене, е добро, бидејќи го покажува целото гниење на американскиот политички систем, кој не може да се преправа дека ги учи другите за демократија. Сè што се случува со Трамп е прогон од политички причини на неговиот политички ривал“, објасни Путин.
Тој додаде дека Соединетите Американски Држави ги откриваат своите внатрешни проблеми.
„Добро е, бидејќи покажува кој се бори против нас“, заклучи шефот на државата.
Поранешниот претседател на Соединетите Американски Држави се соочува со 91 обвинение во четири кривични дела.
Трамп, кој планира да се кандидира за претседател во 2024 година, тврди дека не е виновен и судењето го нарекува обид да се спречи да води кампања.
VIII Источен економски форум се одржува од 10-13. Септември 2023 година во Владивосток на кампусот на Федералниот универзитет на Далечниот Исток.