Рускиот претседател Владимир Путин го посети воениот штаб во Херсон под руска контрола, соопшти Кремљ, каде што разговараше за војната со генерал од руските воздушни трупи, кој неодамна презеде важна улога во војната, пренесува Ројтерс.
Облечен во сина јакна, Путин беше прикажан на руската државна телевизија како се симнува од воен хеликоптер и ги поздравува високите воени команданти.
Кремљ објави дека Путин присуствувал на воениот команден состанок во регионот Херсон.
„Тој ги слушаше извештаите на командантот на Воздухопловните сили и армиската група Днепар и други високи офицери за ситуацијата во регионите Херсон и Запорожје“, објави Кремљ.
Video of Putin reportedly visiting the headquarters of the Dnieper Group of Forces led by Colonel General Oleg Makarevich along with VDV Commander Colonel General Mikhail Teplinsky, who recently returned, and, I believe, Lieutenant General Andrei Kuzmenko.https://t.co/yn8onYlJs3 pic.twitter.com/6CIPeLqmF7
— Rob Lee (@RALee85) April 18, 2023
Руските војници се повлекоа од градот Херсон во ноември минатата година и ги зајакнуваат своите позиции на спротивниот брег на реката Днепар во очекување на украинска контраофанзива. За мене е важно да го слушнам вашето мислење за развојот на ситуацијата, да ве слушам, да разменувам информации“, им рекол Путин на командантите.
Генерал-полковник Михаил Теплински, командант на руските воздухопловни трупи, седеше од десната страна на Путин, додека генерал-полковник Олег Макаревич седеше од левата страна на Путин.
The 2nd part of the video shows Putin visiting Rosgvardia’s “East” HQ reportedly in Luhansk Oblast. While there he met with Colonel General Alexander Lapin (the CoS of the Ground Forces), and Colonel Generals Yevgeny Nikiforov and Sergey Kuzovlev, the West and South COs. 3/ pic.twitter.com/1U7Jl74LhM
— Rob Lee (@RALee85) April 18, 2023
Британското воено разузнавање во неделата објави дека Теплински добил голема улога во војната.
„Теплински, командантот на рускиот Воено-десантен корпус, многу веројатно се вратил на водечка улога во војната во Украина“, објави британското воено разузнавање.
„Теплински е веројатно еден од ретките високи руски генерали кој е почитуван од обичните луѓе“, додаваат тие.
Сите информации поврзани со најновите случувања со војната во Украина можете да ги прочитате ТУКА.