Рускиот претседател Владимир Путин потпиша закон со кој се проширува дефиницијата за таканаречени „странски агенти“ за да се вклучи секој кој е „под странско влијание“, промена која според критичарите ќе и овозможи на државата уште полесно да ги напаѓа домашните критичари.
Законот потпишан на 14 јули ќе стапи на сила на 1 декември.
Според старата верзија на законот, обвинителите требаше да докажат дека лицето обвинето дека е „странски агент“ добивало финансиска или материјална помош од странство.
Русија ги користеше таканаречените закони за странски агенти во изминатата деценија за да ги етикетира и казнува критичарите на владините политики.
Изменетиот закон, исто така, ја проширува дефиницијата за „политички активности“ за да вклучи нејасна клаузула која ги опфаќа сите активности што се „спротивни на националните интереси на Руската Федерација“.
Поединците официјално назначени како странски агенти повеќе нема да можат да добиваат владини грантови за креативни активности, да работат како наставници, да организираат јавни настани или да работат за организации кои дистрибуираат информации.
Согласно законот, четирите постоечки регистри на странски агенти ќе се спојат, а ќе се формира нова листа за регистрација на сите поединци означени како „странски агенти“.
Сите информации поврзани со најновите случувања со војната во Украина можете да ги прочитате ТУКА.