Властите на ЕУ грешат што ја обвинуваат Русија за недостигот на енергија – изјави денеска претседателот на таа земја Владимир Путин на форумот Руската недела на енергија.
– Обичните Европејци страдаат. Нивните сметки за струја и гас се зголемени за повеќе од три пати за една година. Како и во средниот век, населението почнало да складира огревно дрво за зимата. Каква врска има ова со Русија? Тие постојано се обидуваат да ги обвинат сопствените грешки на некој друг, а во овој случај на Русија. Тие се виновни, тоа сакам да го истакнам – рече Путин.
Тој понатаму истакна дека енергетската криза не потекнува од последиците од руската воена операција во Украина, туку „е резултат на погрешна политика во областа на енергетиката во низа претходни години“.
Како што пишува РТ, претседателот на Русија го критикуваше механизмот за спот цена што се користи во ЕУ.
Според него, само оваа година блокот би можел да загуби до 300 милијарди евра во цени на самото место или околу 2 отсто од БДП на еврозоната, што би можело да се избегне доколку Брисел наместо тоа се определил за долгорочни договори поврзани со увоз на нафта и гас.
Претседателот на Русија, исто така, посочи дека „Русија е подготвена да го снабдува регионот со енергија“, вклучително и оваа есен и зима, преку гасоводот Северен тек 2.
Нејзиниот капацитет е 27,5 милијарди кубни метри годишно, што е околу 8 отсто од вкупниот увоз на гас во ЕУ.
Гасоводот, пишува тој, бил подготвен за употреба од минатата година, но бирократските доцнења и антируските санкции го спречија до сега да започне со испорака на гас.
– Русија е подготвена да почне да ги врши овие испораки. Топката е на теренот на ЕУ. Ако сакаат – нека ја отворат само славината, тоа е се. Ништо не ограничуваме, подготвени сме да обезбедиме дополнителни количини во есенскиот и зимскиот период – рече Путин и повторно предупреди дека Русија нема да дејствува против сопствените интереси.
– На оние кои претпочитаат да користат трикови и бескрупулозни уцени наместо деловни партнерства и пазарни механизми, сакам да им порачам дека нема да постапиме на наша штета. Имајте го тоа на ум – вели Русинот.
Од друга страна, РТ пишува дека германскиот енергетски гигант EnBW AG во вторникот објави дека од 1 декември цените на гас за домаќинствата ќе се зголемат во просек за 38 отсто.
Компанијата го припишува зголемувањето на повисоките трошоци на пазарите на големо.
Според компанијата, просечните цени ќе бидат 13,54 евра за киловат час (kWh).
Сметката за типично четиричлено домаќинство ќе се зголеми за дополнителни 768 евра годишно, а најавата доаѓа околу три месеци откако претходното зголемување стапи на сила.
Сите информации за економско-енергетската криза во Македонија, регионот и светот можете да ги прочитате ТУКА.