Рускиот претседател Владимир Путин им се обрати на војниците на земјата, заблагодарувајќи им се за нивните напори за време на бунтот на Вагнер во саботата.
Тој посочи дека Русија избегнала граѓанска војна во саботата и дека сето тоа е благодарение на безбедносните структури.
Путин се заблагодари на целиот персонал на вооружените сили, безбедносните сили и разузнавачките служби за храброста и лојалноста покажана за време на обидот за вооружен бунт.
„Вашата решителност и храброст, како и консолидацијата на општеството, одиграа одлучувачка улога во задушувањето на бунтот“, рече тој, нагласувајќи дека на тој начин граѓанската војна е запрена.
Според претседателот на Русија, армијата и народот не ги поддржале бунтовниците.
Путин, исто така, истакна дека не е неопходно да се отстранат борбените единици вклучени во инвазијата на Украина за да се потисне бунтот.
Сите информации поврзани со најновите случувања со војната во Украина можете да ги прочитате ТУКА.