Три лица загинаа, а едно е тешко повредено во семеен дом во Додрехт, недалеку од Ротердам, јавуваат холандските медиуми.
Холандскиот Телеграф објави, повикувајќи се на извори блиски до истрагата, дека полицаец пукал членови на неговото семејство, а потоа се самоубил, пренесува Ројтерс.
Полицијата не може да потврди што точно се случило. Инцидентот се случил околу 17:30 часот и на местото на настанот е испратен хеликоптер и неколку полициски возила, пренесува холандскиот портал НОС.
Градоначалникот на Дордрехт исто така објави преку Твитер, велејќи дека сочувствува со сите што се вклучени во инцидентот и најави дека во текот на вечерта ќе го посети местото на пукањето.
Multiple casualties reported in shooting at a house in #Dordrecht, #Netherlands / Meerdere slachtoffers bij ‘zeer heftige schietpartij’ in woning in Dordrecht https://t.co/ZO0mZFiByv #Rotterdam #EU
— Sam Pye (@freddie1999) September 9, 2019