Прв Меѓународен Street Workout турнир во Куманово (галерија+видео)

„Гладијатор Арената“ денес беше домаќин на првиот Меѓународен Street Workout турнир во организација на „Бар Гладијаторс“, на кој учество земаа натпреварувачи од цела Македонија, но и од соседните Србија и Бугарија.

Во одлична атмосфера, борбен тух и голем број заинтересирани граѓани заврши турнирот на кој натпреварувачите се бореа во неколку категории. Првото место во „фри стајл“ замина во рацете на Антонио Димковски од Скопје, додека во категоријата „руски згибови“ најдобар беше натпреварувач од Србија.

За најдобрите во сите категории следуваа медали, а за првото место и пехар. Организаторите се презадоволни од интересот со оглед на тоа дека станува збор за прв натпревар од ваков вид вооопшто во Македонија и се надеваат дека истиот ќе прерасне во традиција.

За повеќе фотографии кликнете на следниот линк.