Кумановец осуден на скоро 11 години затворска казна, кој бил баран со потерница поради бегство, вчера бил приведен.
Loading...
– На 04.06.2023 во 21.30 часот, полициски службеници од СВР Куманово го лишиле од слобода С.С.(38) од Куманово, информираат од Министерството за внатрешни работи.
Како што појаснуваат од полицијата, тој бил осуден на 10 години и 10 месеци затворска казна за сторени кривични дела „тешка кражба“ по член 236, „разбојништво“ по член 237 и „загрозување на безбедноста на сообраќајот“ по член 297 од Кривичниот законик, а бил баран по потерница за доиздржување на шест години и пет месеци од казната.
– Лицето ќе биде спроведено во Казнено-поправна установа Затвор Штип за доиздржување на казната, велат од МВР.
Никола Ивановски