Превентивно колење на живина поради птичји грип започнаа околу стотина општини во Франција

Сподели со своите пријатели

Француските здравствени власти наредија превентивно колење на одгледувана живина во околу стотина општини, главно во Ланд, но исто така и во Атлантските Пиринеи, со цел да се контролира ширењето на птичјиот грип, според декретот објавен денеска во Службен весник. Претходниот декрет, од 23 декември, нареди превентивно колење во 11 општини во Ланд, јави дописникот на МИА.

Loading...

Во текстот се наведени сто општини, од кои мнозинството се наоѓаат во Ланд и пет во Атлантските Пиринеи.

– Имајќи го предвид ширењето на вирусот одговорен за високо патогениот птичји грип на подвидот Х5Н8 во дивата и одгледувана живина, особено палмипедите, во департманот Ланд и потребата да се спречи ризикот од продолжување на епизоотијата, е наредено превентивно колење со цел да се забрза контролата на епизоотијата, стои во указот.

Текстот ја истакнува особено „големата густина на живинарските фарми во Ланд“.

Овај указ се однесува на „сите сопственици на птици (живина, украсни птици, дивеч и диви животни во заробеништво), ветеринари, лаборатории за анализи, професионалци за живина, „преработка на живина“. Текстот стапува во сила од денеска.

Тони Гламчевски, Франција


Leave a Reply

Your email address will not be published. Required fields are marked *