Најмалку 21 лице, меѓу кои и деца, загинаа во пожар во станбена зграда во бегалски камп во северниот дел на Газа, според палестинските власти во Газа, како што јави Си-Ен-Ен.
Пожар избувнал во бегалскиот камп Џабалија, соопшти Министерството за внатрешни работи на Газа.
Со прелиминарната истрага е утврдено дека во објектот е пронајдено поголемо количество бензин што придонело за ескалација на пожарот. Сите во зградата загинале.
Меѓу загинатите има цели семејства, јавуваат локалните медиуми, повикувајќи се на лекар, претставник на локалната власт и медицински техничар, како и нивните сопруги и деца, меѓу жртвите.
Многумина во зградите имале гориво за напојување на генераторите
Хусеин Ал Шеик, генералниот секретар на извршниот комитет на Организацијата за ослободување на Палестина, го повика Израел да го отвори преминот Ерез за да дозволи ранетите да бидат транспортирани во болниците надвор од Газа.
Израелскиот министер за одбрана Бени Ганц рече дека би било правилно Израел да го стори тоа за да спаси човечки животи, но дека нема преживеани и затоа нема потреба.
Израел го контролира преминот Ерез, еден од ретките контролни пунктови што овозможува движење меѓу Израел и Газа.
Полициските сили, цивилната одбрана и форензичките тимови сè уште го истражуваат инцидентот, соопшти Министерството за внатрешни работи на Газа.
Многу семејства кои живеат во Газа имаат залихи гориво за генераторите за напојување бидејќи Газа има електрична енергија само осум часа на ден.
Претседателот на палестинската управа Махмуд Абас прогласи ден на жалост за жртвите.