Пожар изгоре викендица во с. Доброшане – ТППЕ вчера со четири интервенции

Сподели со своите пријатели

Како што информираат од Регионалниот центар за управување со кризи, до вчера до 21:30 часот припадниците на Територијалната против пожарна единица бележат четири интервенции,

Loading...

Првата интервенција се случила рано утрината кога во 10:30 добиле повик за запалена сува трева во селото Шупли камен каде до 15:05 часот интервенирале четири пожарникари со едно ПП возило.

Втората интервенција се случила на Градските гробишта Куманово, кога исто така била опожарена сува трева. На пријавата интервенирале тројца пожарникари и го изгаснале пожарот од 12 до 13 часот.

Запалена сува трева е пријавена и во селото Доброшане каде поради големите пламени била зафатена и викендица. Во гаснењето учествувале две против пожарни возила и четири пожарникари а пожарот бил гаснат од 16:35 до 20 часот.

Последната забележана интервенција е во селото Пчиња, каде горела сува трева, стрниште, а пожарот зафатил и неколку тополи. Екипите на ТТПЕ интервенирале од 18:45 до 21:42 часот и пожарот бил изгаснат.

Причина за пожарите,зафатена површина со пожарите, матрејалната штета, како и други подетални информации во врска со пожарите кои настанаа во текот на денот на територија на Општина Куманово, сеуште не се познати.


Comments are closed, but trackbacks and pingbacks are open.