Постои ризик од „недостиг на храна“ во светот, како резултат на влијанието на коронавирусот врз светската трговија и синџирите на снабдување, предупредија Светската здравствена организација (СЗО), Обединетите нации и Светската трговска организација (СТО).
„Несигурноста околу достапноста на храна може да предизвика бран ограничувања на извозот“, што може да создаде „недостаток на светскиот пазар“, рече Кинезот Кју Донгју, шеф на Организацијата за храна и земјоделство на Обединетите нации (ФАО), Етиопиецот Тедрос Адхан Гебрејезус галвен секретар на СЗО и Роберто Азеведо од Бразил, директор на СТО.
Оваа држава го забрани зборот „коронавирус“, ги апси оние кои носат маски
Три мултилатерални организации ја потенцираат важноста на одржувањето на трговијата, „особено за да се избегнат недостаток на храна“, рекоа тие.
Тие се особено загрижени за „забавување на циркулацијата на работниците во земјоделската и прехранбената индустрија“, што ќе загрози многу западни земјоделци, како и застојот на границите за контејнери“ со стока, што може да доведе до расипување на храната.
Тие, исто така, ја истакнаа потребата да се „заштитат“ вработените во производството, преработката и дистрибуцијата на храна, со цел „да се минимизира ширењето на вирусот во овој сектор“ и „да се одржат синџирите на снабдување“.
Научниците пресметаа кога ќе престане ширењето на коронавирусот во Италија
„Кога станува збор за заштита на здравјето и благосостојбата на жителите, државите мора да обезбедат дека мерките не ги нарушуваат синџирите за снабдување со храна“, предупреди шефовите на ФАО, СЗО и СТО.
„Во моменти како овие, меѓународната соработка е клучна“, истакнаа тие.
„Ние мора да се осигураме дека нашиот одговор на пандемијата„ Ковид-19 “ не создава неоправдан недостаток на клучни производи и да го прошири гладот и неисхранетоста“, заклучија тие.
Коронавирусот го зголеми бројот на корисниците на Скајп за 70 отсто
Но, СТО на својата страница вели дека „нема потреба од паника“.
„Има доволно храна за секого во светот. Креаторите на политики ширум светот треба да бидат внимателни да не ги повторуваат грешките направени за време на кризата со храна од 2007 и 2008 година и да ја претворат оваа здравствена криза во онаа што може да се избегне целосно“, велат од организацијата.
Но, некои земји веќе започнаа забрани за извоз, како Виетнам, трет по големина производител на ориз во светот, кој забрани извоз на жито, и Казахстан, со кој се забрани извоз на брашно и производи од пченица, пренесува Ројтерс.