Според студијата на двајца швајцарски економисти објавена на почетокот на февруари, до ноември 2022 година, помалку од девет отсто од западните компании ги продале своите филијали во Русија и ја напуштиле земјата, и покрај санкциите и притисокот од нивните влади.
Истражувањето на економистите Симон Евенет од Универзитетот во Сент Гален и Николас Писани од бизнис школата ИМД беше ограничено на западните компании чии седишта се во една од земјите што воведоа санкции и кои имаат една или повеќе подружници во Русија, за кои „излезот“ е априори поскап.
Студијата опфатила подружници кои оствариле промет од најмалку еден милион долари помеѓу 2017 и 2021 година во Русија.
Економистите идентификуваа 2.405 руски компании во сопственост на 1.404 западни групи, а меѓу овие групи, само 120, или 8,5 отсто, продале една или повеќе руски подружници до крајот на ноември, а не најпрофитабилните.
„Огромното мнозинство од компаниите на ЕУ и Г7 кои работат во Русија останаа или не го финализираа можното ветување за продажба“, заклучуваат Евенет и Писани.
Тие исто така посочуваат дека одредени компании, како Нисан или Мекдоналдс, вклучиле клаузули за „повторно купување“ во договорот за продажба, што им овозможува да го преземат нивниот бизнис во иднина.
Медиумите ја побараа реакцијата на белгиската амбасада во Москва, белгискиот министер за надворешни работи, но одговор не добија.