Нема ништо поубаво од спиење попладне, особено ако ве обзема замор после работен ден или малку „појак“ оброк.
Иако многумина заспиваат и прават добар маратон, попладневната дремка треба да трае 20-30 минути.
После долг сон се чувствуваме уморни и летаргични. Но, по идеалниот половина час ќе бидете полни со енергија, среќни и одморени.
Дремењето може да го изостри фокусот и концентрацијата, а една студија од 2009 година покажа дека за испитаниците кои често дремеле, концентрацијата била исто толку силна во попладневните часови како и наутро, додека кај оние кои не дремнале, таа паднала.
Спиењето е клучно за способноста на мозокот да го обработи она што го научил. Дремењето може да помогне новото знаење да се вкорени во мозокот и да ја подобри меморијата воопшто.
Дремката од само 60 до 90 минути дневно може да помогне во учењето исто како и спиењето цела ноќ, покажа истражувањето.
Кратката пауза во текот на денот ни дава физичка сила и енергија, па телото подобро се справува со стресните ситуации, особено ако генерално не спиете доволно.
Неодамнешните истражувања покажуваат дека спиењето во попладневните часови исто така го намалува стресот и го зајакнува имунолошкиот систем, особено кај оние кои не спијат доволно.
Затоа, спуштете ги ролетните и одморете се. Вашето тело ќе ви биде благодарно, а вие ќе се чувствувате подобро и попродуктивно.