Конфликтот на Блискиот Исток влегува во својот десетти ден, а ситуацијата станува сè потензична.
Иран назначи нов врховен лидер по смртта на ајатолахот Али Хамнеи во американско-израелските напади, додека ракетните напади, политичките закани и потресите на светските пазари продолжуваат.
Светот со загриженост ги следи случувањата што би можеле дополнително да го дестабилизираат регионот.
Иран го започна својот прв ракетен напад врз Израел во понеделник, 9 март, откако новиот врховен лидер на земјата, Моџтаба Хамнеи, ја презеде функцијата, според објавата на Телеграм каналот на државниот радиодифузер IRIB.
Објавената фотографија покажува ракета со натпис: „На ваша служба, Сејед Моџтаба“.
Иран го назначи Моџтаба Хамнеи за нов врховен лидер на земјата, откако во американско-израелските напади беше убиен долгогодишниот лидер ајатолах Али Хамнеи.
Тоа е неговиот син, 56, чие име беше врежано на една од ракетите испукани кон Израел преку ноќ.
Во исто време, тензиите меѓу Иран и Израел не се намалуваат, додека САД продолжуваат да му даваат воена и политичка поддршка на Тел Авив.
Американскиот претседател Доналд Трамп претходно оцени дека изборот на Моџтаба Хамнеи за наследник е „неприфатлив“.
Конфликтот веќе предизвика сериозни последици на глобално ниво.
Цените на нафтата скокнаа за околу 20 проценти за еден ден поради стравувањата дека војната може да се прошири и да трае подолго од очекуваното.
Пад е забележан и на азиските берзи, каде што јужнокорејскиот индекс KOSPI дури и активираше механизам за итно прекинување на тргувањето со цел да се спречи поголем финансиски шок.