Почна уредувањето на локалитетот „Студена Вода“, во близина на Доброшане, Кумановско, соопштија надлежните од Секторот за урбанизам од Општина Куманово.
Ова место кое често го користат спортистите и рекреативците наскоро ќе биде уредено, опремено со опрема соодветна за излетнички места.
Локалитетот партерно и хортикултурно ќе биде уреден, со места за одмор, ќе има детски катчиња, осветлување и стражарска служба.
Секторите за урбанизам, за локален економски развој и комунална инфраструктура, минатата година подготвија апликација до Министерството за земјоделството, односно до Агенцијата за финансиска поддршка на земјоделството и руралниот развој за мерката која се однесува на зачувување и унапредување на традиционалните вредности во руралните средини, односно за уредување на излетнички места во рурални средини.
-Аплициравме за уредување на ова место и ја добивме поддршката од ресорното министерство. Вредноста со која не подржаа изнесува е 8,16 милиони денари. Обврската на општината е плаќањето на ДДВ-то. По апликацијата беше објавена јавна набавка на која се избра изведувач кој на терен ги извршува работите, изјави, раководителката на Секторот за урбанизам, Емилија Сларидис-Јаневска.
Местото кое често го користат рекреативците, велосипедистите, спортистите ќе има кошници за отпадоци, клупи, реквизити за спорт и рекреација. Воедно, ќе биде реконструирана и чешмата како и пристапниот пат, а ќе има паркинг места за посетителите.