Адалија Роуз Вилијамс, за која сите велеа дека изгледа како старица, почина поради природата на нејзината болест. Таа имаше само 15 години.
Тажната вест ја потврди и нејзината мајка.
„Таа допре милиони луѓе, и остави неизбришлива трага во срцето на секој од нив. Веќе ништо не ја боли, а сега танцува на музиката што ја обожавала“, стои на нејзината Фејсбук страница.
Потсетуваме дека тешката и ретка болест прогерија, која беше табу тема пред само една деценија, денес и е многу попозната на јавноста, а на пациентите им е многу полесен животот бидејќи веќе не се исмејуваат како порано. Тие луѓе обично живеат до 14 или 15 години.
Иако е тешко болна, оваа храбра девојка сакала да пее и танцува. Таа имаше неверојатни 6 милиони фанови на Фејсбук, а илјада луѓе и пишуваа секој ден.
Адалија стареела десет пати побрзо од другите луѓе и поради болеста имала само 6 килограми.
Немаше коса, не одеше на училиште. Луѓето постојано зјапаа во неа, а мајката Наталија (24) и очувот Рајан (26) и рекоа дека тоа е затоа што „никогаш досега не виделе ангел“.