Северна Кореја соопшти дека ќе распореди нова воена опрема долж линијата за демаркација што ја дели од Јужна Кореја, откако Сеул делумно се повлече од договорот од 2018 година дизајниран да ги намали тензиите долж границата, објавија државните медиуми.
Северна Кореја реагираше откако Сеул вети дека ќе ги зголеми своите разузнавачки активности и надзор долж Демилитаризираната зона (DMZ) како одговор на лансирањето на првиот севернокорејски шпионски сателит во вторникот, за кој аналитичарите велат дека може да му даде информации на Пјонгјанг за подобро лоцирање на противничките сили.
Потегот на Сеул претставува делумно повлекување од меѓукорејскиот воен договор, кој беше потпишан во 2018 година, како дел од напорите со САД да ја ограничат заканата од војна на Корејскиот полуостров и да ги прошират тампон-зоните меѓу двете Кореи.
Тој беше потпишан од тогашниот јужнокорејски претседател Мун Џае-ин и севернокорејскиот лидер Ким Џонг Ун во Панмунџом на границата, со текст во кој се наведува дека „нема да има повеќе војна на Корејскиот полуостров и започнува нова ера на мир“.
Претходно оваа недела, Северна Кореја ги осуди САД за потенцијална продажба на напредни ракети на Јапонија и воена опрема на Јужна Кореја, нарекувајќи го „опасен чин“, објави КЦНА.
Северна Кореја соопшти дека е „очигледно“ кон кого ќе биде насочена офанзивната воена опрема и против кого ќе биде употребена.
Севернокорејското министерство за одбрана денеска соопшти дека нејзината војска „никогаш нема да биде ограничена“ со воениот договор, ветувајќи дека ќе распореди „помоќни вооружени сили и воена опрема од нов тип во регионот по должината на воената линија за демаркација“, јави КЦНА.
Беше објавено дека договорот „долго време е сведен на само парче хартија поради намерните и провокативни потези“ на Јужна Кореја и беше предупредено дека Сеул мора „скапо да плати“ за неговата „неодговорна и тешка политичка и воена провокации кои ја доведоа моменталната ситуација во неконтролирана фаза“, објави КЦНА.
Пјонгјанг, исто така, изјави дека Јужна Кореја ќе биде сметана за „целосно одговорна“ за конфликтите што би можеле да избијат меѓу двете Кореи.
Сите информации поврзани со најновите случувања во Северна Кореја можете да ги прочитате ТУКА.