Германскиот министер за одбрана Борис Писториус ги објави првите резултати од истрагата за руското прислушување на Бундесверот.
Во петокот, Русија објави снимка од доверлив телефонски разговор меѓу највисоките германски воени претставници за можна испорака на ракети Таурус во Украина.
Писториус сега рече дека „комуникациските системи не биле компромитирани“.
„Русите можеа да прислушуваат поради човечка грешка“, рече тој, пренесува Билд.
За истекувањето е одговорна „индивидуална грешка во апликацијата“.
„Не сите учесници ја следеле процедурата за безбедно повикување. Според досегашните сознанија, има протекување податоци од учесниците во Сингапур“, додаде тој.
Овој офицер влегол во тајниот штаб на Бундесверот преку „отворена врска“.
Како што рече, бригадниот генерал Френк Грефе бил во Сингапур на 19 февруари, каде го посетил аеросалонот во Сингапур. На авијациската изложба присуствуваа бројни војници.
Министерот започнал прелиминарни дисциплински истраги против учесниците поради грешки во пријавата. Се уште не е јасно дали постапката ќе биде покрената.
„Тоа беше грешка, сериозна грешка“, рече Писториус.