Пингвинот, кој е пронајден на брегот на Нов Зеланд, поминал најмалку 3.000 километри од своето природно живеалиште на Антарктикот.
Пингвинот Адели, кога мештаните го нарекоа Пингу, изгледал изгубено на брегот, јавува Би-Би-Си.
Хари Синг, локален жител кој го нашол, рекол дека првично мислел дека е плишана играчка.Ова е трет пат досега овие пингвини да пристигнат во Нов Зеланд.
Хари и неговата сопруга се шетале на плажата по долгиот ден на работа, во село недалеку од Крајстчерч, кога здогледале мал патник.
– Не мрдна еден час. Изгледаше исцрпено, рече Синг.
Тој ги повика здруженијата за заштита на животните, бидејќи пингвинот не влегол во водата и бил потенцијална мета на предатори.
„Не сакавме мачка или куче да го изедат“, рече Хари.
Човекот бил изненаден кога дознал каде е природното живеалиште на овој пингвин.
Откако бил спасен, ветеринарот констатирал дека е дехидриран и дека е малку потежок отколку што треба, но покрај тоа е сосема здрав.
Пингу ќе биде пуштен на плажата на полуостровот Банки, каде што нема кучиња.
Отаго, професор по зоологија на Универзитетот во Отаго, рече дека ако ваквите инциденти станат уште почести, ќе биде сосема јасно дека имало некаква промена во океанот, што мора да го разбереме.