Пет нови случаи на коронавирус денеска се регистрирани во земјава.
Како што информираше министерот за здравство Венко Филипче, станува збор за лица од Скопје и Дебар.
Една пациентка која дошла ноќта помеѓу 12ти и 13ти дошла со летот од Виена, таа патувала од Холандија, била во домашна изолација и сега се бараат 31 патник кои слетале со тој авион во Скопје. Пациентката е од Скопје и таа е веќе хоспитализира.
Четворица други од контактите од Дебар исто така се заболени, тие се таму и ќе се лекуваат во домашни услови согласно нивната состојба и системот на ротација и контрола од страна на експертите, информираше Филипче.
Уште два случаи се регистрирани како сомнителни на клниката Жан Митрев во Скопје. Сепак за овие две лица допрва ќе се тестираат и во Инфективната клиника во Скопје за да се потврди нивниот статус.
Никола Ивановски