За разлика од другите напитоци, смути не е само вкусен туку и хранлив па со него е можно да го замените и оброкот, најчесто појадокот.
Во текот на летото освежува, а со тоа и бргу и лесно се подготвува. Со самото тоа важи за една од најдобрите препораки, што го прави идеален летен појадок.
Се подготвува брзо
Скоро да нема таков појадок кој побрзо се подготвува од смути. Пред да легнете подгответе ги сите неопходни намирници и ставете ги во замрзнувач. Наутро само извадете и се заедно сместете во блендер и измешајте. Вашиот иеален летен појадок ќе биде готов за две до три минути.
Можете да го прилагодите на своите желби и потреби
Количината намирници кои планирате да ги ставите во смути можете секогаш да ги прилагодите на своите желби и потреби. На пример, доколку патите од недостаток на железо во вашето смути можете да додадете чиа семки или спанаќ, а ако работите на развивање на своите мускули можете да додадете и малку протеини. Што се однесува до овошјето и зеленчукот, тие се целосно ваш избор.
Освежува
Неподносливите летни температури најдбро се преживуваат со лесен и ладен смути. Идеален е за освежување и се препорачува во било кое време од денот.
Лесно можете да го понесете со себе
Натрупани сте со работа и немате време да одморите и нешто јадете? Смути е најдобро решение. Многу лесно можете да го понесете со себе во било кое шише, а да ја задржи неопходната температура, во тој случај секако се препорачува термос.
Губење на килограмите
Освен брзата подготовка, најголема предност на смути е тоа што може да допринесе за губење на вишокот килограми. Овие пијалаци содржат природни состојки, исфрлаат токсини од телото, го забрзуваат метаболизмот и буквално ги топат калориите.