Контактите меѓу Москва и Вашингтон во врска со нуклеарното оружје се на соодветно ниво, но тие се одвиваат спорадично, изјави на денешниот брифинг со новинарите портпаролот на Кремљ, Дмитриј Песков.
Американскиот државен секретар Ентони Блинкен претходно изјави дека Вашингтон наводно е во постојан контакт со Москва поради неодамнешната изјава на претседателот на Руската Федерација Владимир Путин за нуклеарното оружје, пренесува ТАСС.
На новинарско прашање на кое ниво се овие контакти, Песков одговори дека се на „соодветно ниво“.
„Има канали за дијалог, но разговорите се водат спорадично, што во најмала рака овозможува размена на итни информации за меѓусебните позиции (и потези)“, рече Песков.
Сите информации поврзани со најновите случувања со војната во Украина можете да ги прочитате ТУКА.