Ако Ви се допаѓа Инстаграм, кој е во сопственост на компанијата Мета, тогаш треба да знаете дека тие го претставуваат табот „Ваша активност“ што ќе им овозможи на корисниците да управуваат со нивните активности.
Новата опција била во тест фаза минатата година, а сега ќе биде достапна за сите корисници на Инстаграм ширум светот.
Новиот таб им овозможува на корисниците да ги бришат своите содржини и интеракции во групи. Тоа вклучува објави, приказни, коментари, допаѓања, реакции на налепници и друга содржина, пишува Techcrunch.
На овој начин, корисниците ќе можат да ја филтрираат содржината по датум и да бараат претходни коментари, одговори на приказни и допаѓања.
Инстаграм има и функција „Проверка на безбедноста“, која им овозможува на корисниците да ја обезбедат својата сметка.
Инстаграм работи на голем број опции, а меѓу нив е и банер на профилот преку кој може да се следат преносите во живо на корисниците.