Вкупно 29 основци и средношколци денеска беа прогласени за ученици на генерацијата од вкупно 27 училишта од општините Куманово и Старо Нагоричане со што успешно беше заокружена учебната 2018/2019 година.
Настанот традиционално и годинава е во организација на Секторот за образование при Општина Куманово и Здружението на просветни работници, а во пресрет на 24ти мај Денот на сесловенските просветители.
– Имаме 29 ученици кои ќе ги пофалиме јавно на настанот, сите ученици ќе добијат признанија и соодветни книги за нивната возраст. Секое училиште прогласува индивидуално кој е ученик на генерација според нивни критериуми и ги доставуваат кај нас во здружението и изготвуваме диплома, изјави Бобан Поповски, претседател на Здружение на просветни работници од Куманово.
Честитки за празникот на просветителството до наставниците и учениците во име на Општина Куманово упати секретарот Десанка Стошевска, која истакна дека ова е ден кога сите ние одаваме почит кон писменоста на нашиот народ.
– Сите ние без разлика каде сме денеска на полето на животот започнавме од едно исто место, од училишните клупи. Таму ги стекнуваме знаењата и се движиме по патот на успехот кој не секогаш е лесен, меѓутоа со упорноста и желбата да се стигне до посакуваната цел која не води по патот на животот и на некој начин желбата за да напреднуваме и да добиваме повеќе знаење и образование од оние кои ни го пренесуваат, а тоа се нашите просветни работници, рече Стошевска.
Настанот беше збогатен и со богата културно-уметничка програма за која се погрижи хор од наставнички од ООУ „Кочо Рацин“, како и ритмичката секција при оваа училиште.
Наградени ученици од основните училишта се:
ПОУ „Гоце Делчев“, с. Агино село – Сара Илиевска
ООУ „Кирил и Методиј“ с. Романовце – Мерале Милдесани
ООУ „11 Октомври“ – Јована Пауновска
ООУ „Битолски Конгрес“ с. Лопате – Јасир Неџипи
ООУ „Битолски Конгрес“ с. Лопате – Милена Малиновска
ООУ „Браќа Миладиновци“ – Ана Стопиќ
ООУ „Браќа Рибар“ с. Табановце – Христина Томиќ
ООУ „Бајрам Шабани“ – Веса Хасани
ООУ „Вук Караџиќ“ – Лука Китановски
ООУ „Јероним Дерада“ с. Черкезе – Аниса Таири
ООУ „Кочо Рацин“ – Давид Цветковски
ООУ „Карпош“ с. Умин Дол – Бојана Митровска
ООУ „Магдалена Антова“ – Мила Павловска
ООУ „Наим Фрашери“ – Елза Меметовиќ
ООУ „Светозар Марковиќ“ Старо Нагоричане – Сара Величковска
ООУ „Толи Зордумис“ – Сара Кипријановска
ООУ „Толи Зордумис“ – Хана Арифи
ООУ „Христијан Карпош“ – Таме Алексовски
ООУ „Кристијан Тодоровски Карпош“ с. Драгоманце – Антонио Петковски
ООУ „Христијан Карпош“ Младо Нагоричане – Стефан Велиновски
ООУ „Крсте Мисирков“- Ева Марковска
Од средните училишта:
СОУ Гимназија „Гоце Делчев“ – Теодора Домазетовиќ
СОУ „Перо Наков“ – Стефан Зарковски
СОУ „Перо Наков“ – Миџибере Зифери
ОСТУ „Наце Буѓони“ – Мила Станковска
ОСТУ „Наце Буѓони“ – Веса Шерифи
СОУ Гимназија „Сами Фрашери“ – Арт Латифи
СОУ „Киро Бурназ“ – Јована Живковска
СОУ „Киро Бурназ“ – Билал Галиу
Повеќе фотографии во текот на денешниот ден на нашите Фејсбук и Инстаграм профили.