41-годишниот московјанец Јуриј Шолмов повеќе од 15 години работи како видеограф за рускиот „Прв канал“, а во јавноста се појави откако американскиот претседател Џо Бајден ги „испипка“ неговите бицепси.
Јуриј ги сподели своите впечатоци од необичната средба со американскиот лидер за време на самитот на Г-20 на Бали.
Бил на многу места, видел се. И жаришта, и разни лидери на нации, и Џо Бајден – повеќе од еднаш. Но, американскиот претседател го допрел за прв пат.
Тоа беше на маргините на самитот, во моментот на неформална комуникација меѓу шефовите на држави.
„Обично новинарите се далеку од целиот настан. Бев изненаден што можев мирно да им пријдам на претседателите. Снимавме од 20 метри. Индонезиското обезбедување беше многу љубезно, услужливо. Го видов американскиот претседател, тој беше малку зад другите. Него го снимаше американска новинарка. А јас размислувам: добро, ако таа може, зошто да не можам јас? Им пријдов. Почнавме да го снимаме дијалогот меѓу Бајден и Макрон“, изјави Шолмов за рускиот портал „Кп.ру“.
Меѓутоа, токму тогаш го забележал американскиот претседател.
„Неговите бицепси се поголеми од мојата глава. Ние ги нарекуваме „пиштоли““, се восхитува Џо Бајден.
“There’s a man. I hope we’re on the same side.”
“Sir… he’s Russian.”
“I don’t care who he is. He’s got some real biceps. We call them guns.” pic.twitter.com/OKqRRi614b
— Timothy Burke (@bubbaprog) November 16, 2022
Отпрвин, тој не ни сфатил дека Бајден оди кон него:
„Прво се повлеков за да не му пречам“, изјави Јури. Тогаш на дијалогот се приклучи францускиот претседател Емануел Макрон, кој истакна дека камерманот „добро тренирал“:
„Не се сметам дека сум постигнал ништо. Се гледам во огледало и повторно ги гледам своите недостатоци“, вели Шолмов.
Според него, тој долго време оди во теретана, но активно тренира последните седум години, 4-5 пати неделно.
Дури и на службени патувања и на одмор: однапред ќе знаат дали има теретана во хотелот или некаде во близина.
Работи со колегата, асистент-оператор Андреј. Тоа не му е единственото хоби – тој игра аматерски хокеј во новинарската екипа.
Сопругата и двете деца го чекаат Јури дома од неговите службени патувања, што рускиот снимател го смета за негово вистинско достигнување, а не за бицепс, пренесува рускиот портал „Кп.ру“.