Оваа недела на аукција во Шкотска, една овца наречена „Дабл дајмант“ беше продадена за 490 илјади долари, што ја направи најскапа овца во светот.
Овцата, поточно јагне, предизвика возбуда на аукцијата на овци Тексел, во шкотскиот град Ланарк, пишува Си-Ен-Ен, повикувајќи се на соопштението на Овчарското друштво Тексел, кое е особено ценета раса со потекло од Холандија.
Првично биле понудени околу 13 илјади долари, за три фарми подоцна да се договорат да го споделат вредното јагне меѓу себе. Споделат, во смисла дека тие ќе го користат за репродукција.
„Тоа е како и секој друг бизнис – коњски трки или бизнис со говеда“, изјави за Гардијан Зеф Ајкен, еден од новите сопственици на овцата.
„Вчера се појави многу специјална тексел овца “, рече тој, додавајќи дека секој сака дел од неа.