Лекарите сега веруваат дека екстремно сувата уста може да биде нов симптом на инфекција. Исто така, иритација, чешање или чудно чувство на јазик, како и чиреви и уста, се јавуваат нешто поретко, но тие исто така можат да бидат знак на инфекција. Индија во моментов е најпогодена од коронавирусот, а лекарите од Бенгалор веруваат дека откриле неколку нови симптоми на инфекција, кои најверојатно се поврзани со индискиот вид на вирус.
Најчестите симптоми на корона се постојана кашлица, висока телесна температура и губење на чувството за вкус и мирис. Некои заразени лица, исто така, доживуваат замор, главоболки и дијареја, но овие симптоми беа препознаени подоцна во пандемијата.
Д-р Сатур лекувал човек (55) кој имал чувство на екстремна сувост во устата и конјунктивитис кога бил примен во болницата.
“Прочитав дека конјунктивитисот може да биде еден од симптомите на ковид. Иако немал треска, тој рече дека се чувствува уморен”, рече лекарот и додаде дека мажот подоцна добил позитивен тест за корона.
Д-р Сатур ги советуваше сите што почувствувале какви било симптоми поврзани со устата и јазикот, како и општ замор, чувство на слабост, да бидат испитани за ковид-19.
Тој верува дека е можно новите симптоми да се појавиле поради мутации, а исто така им порачува на лекарите да не „игнорираат какви било промени во јазикот“.
Патем, нешто слично на тоа, британските лекари претходно го опишаа како „ковид јазик“.
„Симптомите во устата се поврзани со ковид-19 веќе некое време“, потврди епидемиологот за јавно здравје, д-р Гарбиел Скали.