16.07.2019 11:56

Османи: Северна Македонија и Турција остануваат стратешки партнери


Заменик претседателот на Владата задолжен за европски прашања, Бујар Османи оствари средба со Министерот за надворешни работи на Република Турција, Мевљут Чавушоглу во рамки на посетата на  Северна Македонија.

„Традиционално блиските пријателски односи меѓу двете земји се вистински пример за градење на стратешко партнерство, и во таа смисла, со задоволство можам да кажам дека со ратификацијата на Протоколот за членство на Северна Македонија во НАТО од страна на Големото народно собрание, Турција ја докажа долгогодишната поддршка на нашата земја на нејзиниот пат кон европската и евроатлантската интеграција”- истакна Османи.

loading...

Во продолжение на средбата двајцата соговорници разговараа за билатералната соработка и можностите за нејзино продлабочување во иднина, во рамки на долгогодишното стратешко партнерство, а беа отворени и темите поврзани со европската интеграција и перспективите на земјава во претстојниот период, во очекување на почетокот на преговорите во октомври. Османи и Чавушоглу разменија мислења и за состојбите во регионот, посочувајќи дека успехот во надминувањето на отворените прашања на Северна Македонија со соседите е светол пример на Балканот кој треба да биде мотив и поттик и за останатите балкански земји.

Текст и фото: Секретаријат за европски прашања


© Крадењето авторски содржини е забрането со закон. Преземањето на текстови и изјави во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со Кумановски Муабети, е строго забрането!

Последни наслови

Facebook Comments