Американскиот NBC, повикувајќи се на документи кои ги има на располагање, открива дека Фејсбук користи приватни податоци на корисниците за да влијае на партнерите и конкурентите.
Според зборовите на претставникот на каналот, тие имале можност да прегледаат 4.000 мејлови, веб-четови, презентации, табели и снимки од состаноци на раководството на Фејсбук, кои протекле на интернет.
Новинарите дошле до заклучок дека Марк Зукерберг и неговите менаџери ги „наградуваат“ компаниите партнери, отварајќи им пристап до податоците на корисниците. Од друга страна, пристапот до приватни податоци на корисниците на Фејсбук до конкурентски апликации, секако е затворен.
На пример, како што наведува NBC, Фејсбук отстапувал кориснички податоци на Амазон, која не штедела на рекламирањето на своите услуги кај нив.
Фото: Пиксабеј