Оргнаизацијата н Обединетите Нации предупреди дека гладот ќе надвладее во повеќе од 20 земји во следните неколку месеци.
Бројни семејства веќе гладуваат во делови на Јемен и Јужен Судан, според извештајот на Организацијата за храна и земјоделство на ООН, пренесува Гардијан.
Во извештајот се вели дека околу 34 милиони луѓе се борат со недостиг на храна и се на работ на глад.
Гладот е предизвикан од воени конфликти, климатски промени и пандемија на коронавирусот, а во некои земји од временски непогоди и пустински бури.
„Нивото на страдање е алармантно. На сите нас е да дејствуваме брзо и да спасиме човечки животи“, рече Чу Донгву, генерален директор на Организацијата на ООН за храна и земјоделство
Северна Нигерија, Јемен и Јужен Судан се меѓу земјите кои се соочуваат со „катастрофа“ поради недостаток на храна, се наведува во извештајот на оваа организација.
Земјите во Африка се најзагрозени, а гладот се заканува во Авганистан, Сирија, Либан, Хаити и во некои од карипските земји.