Околу 100 војници загинаа во борбите на границата меѓу Ерменија и Азербејџан

Сподели со своите пријатели

Околу 100 војници беа убиени во борбите на границата меѓу Ерменија и Азербејџан во вторникот, бидејќи нападите на двете страни ги зголемија стравувањата од голем конфликт меѓу долгогодишните ривали.

Loading...

Ерменија соопшти дека загинале најмалку 49 војници, а Азербејџан пријавил дека изгубил 50 војници.

Борбите избувнаа неколку минути по полноќ кога азербејџанските сили започнаа артилериски оган и напади со беспилотни летала во многу делови на ерменската територија, соопшти ерменското Министерство за одбрана.

ПРОЧИТАЈТЕ И:  Германија: Нуклеарките нема да работат по зимата

Беше објавено и дека интензитетот на гранатирањето се намалил во текот на денот, но азербејџанските трупи се обидуваат да напредуваат на ерменска територија, јавува Асошиејтед прес (АП).

Министерството за надворешни работи на Азербејџан соопшти дека одговорило на „провокацијата од големи размери“ што ја изврши Ерменија во понеделникот вечерта и рано во вторникот.

Се вели дека ерменските војници поставиле мини и пукале врз позициите на азербејџанската армија.

Двете земји се вмешани во децениски конфликт околу регионот Нагорно-Карабах, кој е дел од Азербејџан, но е под контрола на етничките ерменски сили поддржани од Ерменија по завршувањето на сепаратистичката војна на територијата во 1994 година.

ПРОЧИТАЈТЕ И:  Сеул: Наскоро нуклеарна проба на Северна Кореја

Азербејџан врати големи делови од Нагорно-Карабах во шестнеделната војна во 2020 година, во која загинаа повеќе од 6.600 луѓе и заврши со мировен договор со посредство на Русија.

Loading...

Според договорот, Москва распоредила околу 2.000 војници во регионот како мировници, потсетува АП.