Британскиот премиер Борис Џонсон изјави дека Обединетото Кралство ги заострува ограничувањата со цел да го потисне ширењето на омикрон сојот на корона вирусот, па од понеделник повторно ќе се воведат работата од дома и ковид пропусниците за некои поголеми собири, пренесува Хина.
„Станува појасно дека омикрон се шири многу побрзо од делтата порано“, бидејќи досега се пријавени 568 случаи на варијанта на корона вирусот во Велика Британија, а вистинската бројка е „сигурно многу поголема“, рече Џонсон на прес-конференција.
Истакнувајќи дека бројот на заразени со омикрон во земјата се чини дека се удвојува на секои два до три дена и не сакајќи да шпекулира за сериозноста на симптомите предизвикани од оваа варијанта, конзервативниот лидер истакна дека „таков експоненцијален раст може да поттикне големо зголемување на хоспитализации и “.
„Затоа, преминот кон план Б“ во однос на ограничувањата во Англија е „пропорционален и разумен одговор“ додека не се забрза дополнителната кампања за вакцинација, додаде тој.
Владата затоа бара од вработените да работат од дома уште од понеделник „ако е можно“.
„Ковид пропусницата“, на која се спротивставија некои членови на конзервативното мнозинство, првпат беше воведена во Англија во ноќните клубови и на сите места со повеќе од 10.000 луѓе.
Велика Британија, меѓу најтешко погодените европски земји со скоро 146.000 смртни случаи од почетокот на пандемијата од КОВИД 19, се врати на рестриктивните мерки за да го спречи ширењето на омикрон сојот, како што се ограничувањата за патување, носењето маски во продавниците и јавниот превоз.