Од 1 февруари, корисниците на Твитер ќе можат да поднесат жалба за суспензијата на сметките и ќе бидат воведени нови критериуми за евалуација за враќање на сметките на платформата, објави Ројтерс.
Компанијата соопшти дека според новите критериуми, сметките на Твитер ќе бидат суспендирани само за сериозни или повторени прекршувања на политиките на платформата.
Сериозните прекршувања вклучуваат објавување нелегална содржина или активност, поттикнување или заканување насилство или повреда и намерно вознемирување на други корисници.
Твитер соопшти дека во иднина ќе ги олесни мерките за суспензија на сметката, со укинување на ограничувањата на обемот на навредливи твитови и бара од корисниците да ги отстранат проблематичните твитови пред да продолжат да ја користат сметката.
Сопственикот на Твитер, американскиот милијардер Илон Маск, во декември се најде на удар поради суспендирање на сметките на неколку новинари затоа што тие јавно објавиле информации за неговиот авион, а подоцна Маск ги вратил сметките на новинарите.