Од коронавирус почина др. Драган Тасевски, хирург во кумановската болница

Сподели со своите пријатели

Д-р Драган Тасевски, доктор специјалист вработен на Хируршкото одделение во Општата болница Куманово вчера починал од коронавирусот.

Loading...

Информацијата ја потврди и директорката на установата во која тој беше вработен, Снежана Захариева, која вели дека пред десетина дена со сериозна бронхопневмонија бил испратен директно на Инфективната клинка во Скопје, а оттаму и во Систина.

– Се надевавме дека ќе ја добие битката со ковидот, но вчера добив информација дека е во исклучително тешка состојба. Пројавивме надеж дека можеби ќе се излечи од таа криза, но за жал попладнето ни стигна лоша вест дека починал колегата. Жал ми е изразувам сочувство до семејството, било кој да е вработен во институцијата за мене е навистина шок и трагедија ова што се случи, просто не верувавме кога ја добивме информацијата, изјави Захариева.

Како што вели таа, кумановската болница имала и веројатно ќе има нови заболени лекари и медицински персонал, со оглед на природата на професијата.

Во овој момент на Одделението за хирушки болести во болницата нема други позитивни, ниту пак со симптоми на болеста.

Инаку доктор Тасевски важеше за исклучително квалитетен кадар на кумановската хирургија со работно искуство од над 30 години.

Никола Ивановски


Leave a Reply