Врмето денеска во Македонија ќе биде сончево и многу топло со мала до умерена локална облачност, информираат од Управата за хидрометеоролошки работи.
Ќе дува слаб до умерен ветер претежно од северозападен правец. попладне во планинските подрачја ќе има изолирана појава на краткотраен дожд и ретки грмежи.
Минималната температура ќе биде во интервал од 14 до 22, а максималната од 34 до 41 степен. УВ индексот ќе биде многу висок со коефициент 9.
Во Куманово и околината денеска ќе имаме сончево и многу топло време. Во утринските часови температурата ќе изнесува 21 степен, додека максималната дневна се очекува да достигне 39 степени целзиусови.
Во следните денови времето ќе биде многу топло со натпросечни температури за овој период од годината и ќе биде активирано портокалово ниво на опасност од високи температури, велат од УХМР.
На места вдолж Повардарието температурата ќе го надминува 40-тиот степен.
Во понеделник ќе дува засилен ветер од западен, а попладне од северен правец кој ќе предизвика благо опаѓање на температурите во северните делови, а во јужните ќе се задржат високите температурите.
Никола Ивановски