Македонија од денеска до вторник ќе биде зафатена со температури до 40 степени целзиусови, кои ја дефинираат жолтата (алертна) фаза.
– Граѓаните потребно е да ги почитуваат општите препораки за населението за заштита од високите температури, како што се – заштита од директна сончева изложеност, избегнување престој на отворено во периодот од 11 до 17 часот, консумирање лесна храна и течности, хигиена на раце и хигиенски начин на подготовка на храната и редовно земање на терапијата кај хронично болните лица, информира Министерството за здравство.
Температурата ќе достигне вредности околу 38°С во повардарскиот и југоисточниот крај, околу 35°С во пелагонија и околу 32°С во охридско-преспанскиот крај.
Денот ќе биде сончев, додека во вечерните часови во околуната на Шар Планина е можна краткотрајна појава на врнежи.
УВ индекс: 9.