Немилосрдниот напад на Русија врз Бахмут продолжува и денеска, откако украинскиот претседател Володимир Зеленски изјави дека интензитетот на борбите околу источниот украински град продолжува да се зголемува.
Украинскиот воен аналитичар Олех Зданов рече дека „пробивот на северното крило на Бахмут“, во кој руските трупи вчера дојдоа меѓу селата Беркивка и Јахидна во нивниот обид да го опколат градот, „претставува јасна закана за нас“.
Руската државна новинска агенција РИА, исто така, објави видео за кое вели дека покажува руски борбени авиони над Бахмут.
„Драго ни е што тие се наши“, вели маж идентификуван како платеник од групата Вагнер на видеото.
„Авионите психолошки им помагаат на силите на Владимир Путин“, рече тој.
Зеленски во вчерашното видео обраќање рече дека битката за Бахмут била најтешка досега, но дека е важно неговите војници да продолжат да го бранат упориштето.
„Русија генерално не се грижи за луѓето и ги испраќа во постојани бранови кон нашите позиции, интензитетот на борбите само се зголемува“, рече тој.
Сите информации поврзани со најновите случувања со војната во Украина можете да ги прочитате ТУКА.