Објавена снимка од апсењето: „Ова е бомбашот од Истанбул, признала се“ (ВИДЕО)

Сподели со своите пријатели

Турската полиција уапси лице осомничено дека поставило бомба што вчера експлодираше во пешачка зона во центарот на Истанбул, при што загинаа најмалку шест, а беа повредени десетици луѓе.

Loading...

Бомбата експлодираше вчера околу 16:20 часот по локално време на авенијата Истиклал, улица со бројни кафулиња, ресторани, кина и продавници.

Според моментално достапните податоци, најмалку шест лица загинале во експлозијата, а 81 лице е повредено, од кои двајца потешко.

Како што јави Си-Ен-Ен Турк, полицијата го соопшти идентитетот на уапсениот.

Станува збор за, како што велат, жена од Сирија по име Ахлам Албашир.

Тие тврдат дека за време на испрашувањето ја признала својата поврзаност со Курдистанската работничка партија.

ПРОЧИТАЈТЕ И:  ЕКСПЛОЗИЈА НА БРОД! Најмалку 40 лица загинаа

Се појави и видео од моментот кога таа беше уапсена.

 

Loading...

 

View this post on Instagram

 

A post shared by CNN TÜRK (@cnnturk)

 

„Таа е поврзана со Курдистанската работничка партија“

Утринава министерот за внатрешни работи Сулејман Сојлу изјави, според извештајот на државната телевизија ТРТ, дека полицијата го уапсила лицето кое ја поставило бомбата.

Осомничениот е лице поврзано со забранетата Курдистанска работничка партија (ПКК), а министерот Сојлу се закани со одмазда, јави ТРТ.

Во ЕУ и во САД, ПКК има статус на терористичка организација, забележува агенцијата ДПА.

Авенијата Истиклал беше цел на терористички напад и во 2016 година, кога бомбаш самоубиец уби четири лица, а рани 39.

Турската влада тогаш објави дека напаѓачот е поврзан со Исламската држава, но не презеде одговорност, посочува dpa.

ПРОЧИТАЈТЕ И:  Јужна Кореја продолжува да емитува пропагандни преноси против Северна Кореја

Жена 40 минути седела на клупата. Експлодирало набргу откако станала

Турскиот министер за правда Бекир Боздаг вчера за провладината телевизија А Хабер изјави дека жената која седела на клупа во близина на местото на експлозијата околу 40 минути е под истрага.

Loading...

Експлозијата се случила само неколку минути по нејзиното заминување.

Да потсетиме, на видеото од надзорната камера, која го сними моментот на експлозијата, се гледа торба покрај клупа на прометната авенија Истиклал во центарот на Истанбул.

Менаџерот на ресторан во близина на местото каде што експлодирала бомбата рече дека ја слушнал експлозијата и видел луѓе како трчаат.

Десетици посетители на неговиот ресторан, меѓу кои и жени и деца, во паника почнале да врескаат, пишува АП.

ПРОЧИТАЈТЕ И:  Кипар одбележува 50 години од турската инвазија. Ердоган на церемонија на северот на островот

Менаџерот, кој сакал да остане анонимен поради чувствителноста на ситуацијата, рече дека ги затворил ролетните на ресторанот, плашејќи се од нова експлозија и се обидел да ги смири гостите.

По околу 15 до 25 минути, тој ја видел полицијата и договорил гостите и вработените во мали групи да ја напуштат зградата.

„Веруваме дека тоа е тероризам“

Потпретседателот на Турција Фуат Октај изјави дека властите ја сметаат експлозијата во Истанбул, во која загинаа најмалку шест лица, како терористички напад, пренесува државната новинска агенција Анадолу.

„Сметаме дека тоа е тероризам бидејќи напаѓачот, за кој веруваме дека е жена, ја активирал бомбата“, рече Октај.

Loading...