Две лица загинаа откако проектил го погоди Пржеводов, полско село во близина на границата со Украина, јавија полските медиуми.
АП објави изјава на неименуван американски разузнавач дека станува збор за руски ракети, што Москва го негираше.
Претставниците на НАТО и Пентагон се внимателни во досегашните изјави и велат дека сѐ уште се проверуваат извештаите од Полска.
Новинарот на истражувачкиот портал Белингкет Арик Толер, анализирајќи ги фотографиите од местото на настанот објавени од полските медиуми, на Твитер изјави дека не е исклучена можноста украинска ракета за воздушна одбрана да залута во Полска, пренесува N1.
Една од фотографиите од Пржеводов објавена од полските медиуми покажува нешто што изгледа како дел од ракетата земја-воздух 5V55 што ја користи украинската војска во противвоздушните ракетни системи С-300.
Толер во твит наведе дека ако Полска навистина има работа со ракета од системот С-300, тогаш веројатно украинската противвоздушна одбрана отстапила од курсот.
🇵🇱 Video no #Pževova (#Polija, pie #Ukraina robežas), kur notika incidents. pic.twitter.com/SahcTG2szk
— BreakingLV (@breakinglv) November 15, 2022
„Што има смисла со оглед на денешниот огромен наплив на руски бараж оган и пресретнување на украински ракети земја-воздух. Русија го користеше С-300 за удари земја-земја, но би било навистина далеку за нив да го користат“, рече новинарот Белингкет.
Сепак, Толер се огради дека ова е можно сценарио само ако навистина се работи за проектил од системот С-300.
„Ако се работи за крстаречка ракета, тогаш да, очигледно е руска, се разбира“, посочи тој.
Руската државна новинска агенција РИА Новости вечерва цитираше руски воен експерт кој тврди дека руските крстосувачки ракети „не можат да стигнат до полска територија, додека украинскиот систем земја-воздух С-300 може“.
Засега, пак, освен анализата на фрагментите на фотографиите објавени во полските медиуми, нема официјална потврда за кој проектил се работи, ниту од каде точно потекнува.