Утрово, покрај сега веќе дневните извештаи за гранатирање на Украина, имаше и најави од руски претставници за нови дронови соборени во близина на Москва.
Аеродромот Внуково накратко беше затворен, а Кремљ за се го обвини Киев и го нарече „терористички чин“, иако не дадоа никакви конкретни докази.
Прво, рано утринава, имаше извештаи дека два дрона биле оневозможени во Новаја Москва, административен округ во Москва, и уште еден во Калушка област, југозападно од руската престолнина, според руските служби за итни случаи.
„Според прелиминарните извештаи, три беспилотни летала се движеле кон Москва во различни временски интервали“, се вели во соопштението и се додава дека нема штета или жртви.
Остатоците од дронот паднале во селото Валуево.
Недолго потоа руската државна агенција РИА Новости објави дека во Нова Москва биле соборени уште два дрона и дека и овој пат нема повредени.
На кратко беше прекината и работата на московскиот аеродром Внуково. По неколку часа, редовниот режим на летање беше вратен.
Руските власти го обвинуваат Киев за нападите
Неколку руски официјални лица дадоа изјави за соборените беспилотни летала, обвинувајќи ја Украина за нападите.
Тие не дадоа никакви докази, а украинските власти не ја презедоа одговорноста за испраќањето на беспилотните летала во главниот град на Русија.
Московскиот градоначалник Сергеј Собјанин изјави дека се одбиени „обидите за украински напади“.
„Денес беше направен уште еден обид за напад на украински дронови на Нова Москва и Московската област. Досега силите за воздушна одбрана ги одбиле сите напади, сите откриени беспилотни летала се елиминирани“, рече Собјанин на Телеграм.
Најостра во нејзините вербални напади беше портпаролката на Министерството за надворешни работи на Русија, Марија Захарова, која ги нарече беспилотните летала во регионот Суб-Москва „терористички акции“.
Таа, како и Собјанин, го обвини Киев за нападите и рече дека е нападната областа каде што се наоѓаат објектите на цивилната инфраструктура.
„Со оглед на тоа што Зеленски ги извршува овие терористички напади со оружје обезбедено од Запад или купено од западни фондови, ова е меѓународен тероризам“, напиша Захарова на Телеграм.
Слично е соопштено и од руското Министерство за одбрана, кое наведе дека „беше спречен обид на режимот во Киев да изврши терористички напад со пет беспилотни летала врз објекти во Суб-Москва и Нова Москва“.
⚡️⚡️⚡️MOSCOW HIT BY DRONES – AGAIN!
At 04:00 am, a kamikaze drone struck on the territory of one of the military facilities in Kubinka, outside of Moscow 🇷🇺.
The Vnukovo airport in Moscow 🇷🇺 was also attacked. pic.twitter.com/JPkPm0PeFl
— Jason Jay Smart (@officejjsmart) July 4, 2023
Две лица загинаа во Херсон
Украинските власти не реагираа ниту на обвинувањата на Москва, ниту на извештаите за соборени дронови.
Сепак, се чини дека имаат доволно за грижа, бидејќи Херсон утринава повторно бил гранатиран, а според извештајот на Ројтерс загинале две лица – маж и жена.
Повикувајќи се на изјавата на локалниот обвинител, агенцијата јавува дека е направена материјална штета, како и дека моментално се згрижуваат одреден број ранети.
Украинската државна телевизија Суспилна исто така јавува дека има повредени како резултат на руското гранатирање во регионот Чернихив на северот на земјата.
Покрај ова, Суспилне објави дека денеска е прогласен за ден на жалост во Суми, кој вчера беше бомбардиран, а каде бројот на жртви се искачи на три. Како што рече градоначалникот Лисенко, повредени се уште 21 лице.
Што се однесува до ситуацијата на самиот фронт, секретарот на Украинскиот Совет за национална безбедност и одбрана, Олексеј Данилов, изминатите неколку денови борби ги опиша како „плодни“ и рече дека некои ресурси на руските сили се уништени.
Тој го опиша однесувањето на украинската армија за време на контраофанзивата како „мирно“ и „мудро“, додавајќи дека таа ја исполнува приоритетната задача: максимално уништување на персонал, опрема, складишта за гориво, воени возила, командни центри и други.
Според извештајот на Ројтерс, минатата недела Украина ја врати контролата врз околу 37 квадратни километри територија, претходно окупирана од Москва.
Сите информации поврзани со најновите случувања со војната во Украина можете да ги прочитате ТУКА.