Нов зоонозен вирус, кој преминува од животните на луѓето, е откриен во Кина, а 35 луѓе се заразени, соопшти тајванскиот центар за контрола на болести.
Тие го нарекоа вирусот Langia henipavirus (LayV), а беше откриен во две провинции во источна Кина.
Извештаите велат дека ова е првпат вирусот да биде откриен кај луѓето.
Што е Лангија вирус?
LayV е класичен пример на зоонотичен ханипавирус. Досега се идентификувани два типа – вирусот на хендра, кој првпат беше откриен во предградието на Бризбејн и вирусот Нипа.
И двата вируса доведуваат до инфекции кои можат да бидат фатални.
Светската здравствена организација го класифицираше хенипавирусот како закана на ниво 4.
Стапките на смртност се движат меѓу 40 и 75 проценти, покажуваат податоците.
Не се пријавени смртни случаи од LayV.
Што е зооноза?
Зоонозата се дефинира како заразна болест која се пренесува помеѓу видовите; или од животни на луѓе, или од луѓе на животни.
Кое е потеклото на вирусот Лангија?
Резултатите од тестовите на повеќе од дваесетина диви животни сугерираат дека шурките, мали цицачи слични на крт, би можеле да бидат природен „резервоар“ на вирусот LayV.
Постојните пациенти имале историја на контакт со животни, се вели во студијата објавена во New England Journal of Medicine.
Кои се симптомите?
Симптомите може да вклучуваат треска, замор, кашлица, губење на апетит, болки во мускулите, гадење, главоболка и повраќање.
Дали вирусот Лангија е откриен надвор од Кина?
Ниту еден случај не е забележан надвор од Кина. Во студијата се наведува и дека не е регистриран пренос од човек на човек.
„Следење на контакт на девет пациенти со 15 членови на семејството во близок контакт не откри никаков близок контакт пренос на LayV“, напишаа истражувачите.
Сепак, како што истакнуваат, количината на примерокот била премала за да се утврди статусот на пренос од човек на човек.